Ish-vila e diktatorit Enver Hoxha, që deri më sot ishte e mbyllur për vizitorët është shndërruar në një rezistencë artistike. Projekti i qeverisë shqiptare, në bashkëpunim me Fondacionin Art Explora, marrëveshje që u firmos gjatë vizitës së presidentit Emmanuel Macron në shqipëri, nxit krijimtarinë bashkëkohore. Ambientet e akullta të shtëpisë ku jetoi Hoxha dhe familja e tij do të pasurohen në vijim nga vepra e artistëve shqiptarë e të huaj, që do të vendosen këtu. Në vilën me rreth 100 dhoma janë vendosur studio, salla atelileje, pikturash, ekspozitash si dhe ëorkshop-e. Artistët do të jetojnë në shtëpinë e diktatorit që imponoi një censurë të ashpër përgjatë gati gjysmë shekulli. 22 artistë nga 15 shtet të ndryshme do të qëndrojnë në vilë në vitin e parë të projektit dhe do të vendosen në pozitën e aktorëve të vërtete të transformimit social dhe historik. Vila 31 në zonën e ish-bllokut, ku Enver Hoxha jetoi disa vite me familjen, nuk kishte asnjë funskion pas viteve ’90. Tashmë është godina që do të mirëpresë ngjarje kulturore me artistw, shoqata dhe shtwpi botuese, që motiv kanë mendimin e lirë, pa kurrfarë censure.