Në ditën e 10 të luftës, Ukraina duhet të niste operacionin e evakuimit të civilëve nga zonat e rrezikshme, pasi marrëveshjes me palën ruse në raundin e dytë të negociatave, por ata thonë se kjo gjë nuk ka qenë e mundur pasi kundërshtari shkeli fjalën e dhënë. Autoritet ukrainase thanë se u detyruan të anulonin evakuimin në qytetet Mariupiol dhe Volnovakha, të cilat ishin planifikuar të nisin në orën 10 të mëngjesit të së shtunës , pasi forcat ruse i kanë sulmuar vazhdimisht pavarësisht paktit. Paralelisht me këto zhvillime, palët kanë rënë dakord se do të mbajnë një raund të tretë negociatash këtë fundjavë, dhe para këtij takimi ukrainasit u siguruan të eleminonin një tradhtar në radhët e tyre. Forcat e sigurisë ukrainase , qëlluan për vdekje gjatë arrestimit për akuzën e tradhtisë negociatorin e tyre Denys Kireev pasi kishin zbuluar se ai çonte informacione te rusët. Kireev, një bankier i njohur dhe me përvojë, dyshohej për tradhti të lartë, tha deputeti ukrainas Oleksiy Honcharenko. Deputeti pretendoi se, ata kishin prova të qarta të tradhtisë së Kireev, të cilat përfshinin edhe biseda telefonike. Forcat ukrainase kanë deklaruar vazhdimisht se ata kanë grupe të caktuara në terren të cilët gjurmojnë ata që Ukraina i cilëson si sabotatorë. Në ditën e 10 të luftës, betejat në Ukrainë vazhdojnë në veriperëndim të Kievit, ndërsa sulme të rënda ka edhe në Kharkiv dhe Okhtyrka. Forcat ukrainase pretendojnë gjithashtu se po rezistojnë edhe në qytetin e Chernihiv në veri.