Në imazhe shihen antilopat karakteristike Saiga të Kazakistanit pasi ministria ekologjike e vendit tha se specia e rrezikuar kishte kaluar tashmë 1 milionë ekzemplarë. Drejtoresha e diversitetit Vera Voronova, tha se në vitet 2000 Saiga ishte në një situatë kritike me vetëm 2000 kafshë të mbetura. Në vitin 2015, rreth 200,000 antilopa ishin vrarë nga një bakter hundor që u përhap prej kushteve të ngrohta e të lagështa. Por numrat e tyre kishin pësuar rritje nga 334,000 në vitin 2019 në 842,000 në territoret perëndimore të shtetit të gjerë të Azisë Qendrore. Stepat e mëdha të vendit ish-sovjetik strehojnë shumicën e Saigave të botës, një pjesë e vogël e të cilave jetojnë gjithashtu në rajonin rus Kalmikia dhe në Mongoli. Gjuetia e jashtëligjshme është një kërcënim i vazhdueshëm për kafshët që njihen për hundën e tyre të madhe. Liderët e Kazakistan ishin zotuar të ndalonin gjuetinë e drerëve karakteristike pas vrasjes së dy kujdestarëve të tyre në incidentin e vitit 2019. Por suksesi i përjekjeve të konservimit ka ngritur përsëri frikat se Kazakistani do të lejojë sërish gjuetinë, teksa moratoriumi aktual përfundon në 2023.