Presidenti i Malit të Zi Milo Gjukanovic e materializoi qartë dhe hapur mbështetjen për liderin e lëvizjes qytetare URA, Dritan Abazovicin. Kreu i shtetit malazez dërgoi në parlament propozimin që mandaton ish zv.kryeministrin shqiptar për krijimin e qeverisë së re. “Pres që Parlamenti të vendosë sa më parë, në mënyrë që ti hapet rruga shpejt përbërjes dhe programit të ekzekutivitit të ri. Përfaqësuesit e lëvizjes URA dhe partnerët e tyre politikë më kanë bindur plotësisht se e kanë shumicën parlamentare për krijimin e qeverisë së 43-të të Malit të Zi. Për këtë arsy, ia besoj mandatin e formimit të qeverisë zotit Abazovic. Jam i bindur se është në interesin më të mirë të vendit që qeveria të nisë sa më parë nga puna me kapacitet të plotë, sidomos në një kohë sfidash politike dhe të sigurisë, të shtuara prej luftës në Ukrainë. Pres që Parlamenti të mbajë një seancë dhe të vendosë për programin dhe përbërjën e Qeverisë me propozimin e mandatarit”, ka deklaruar Gjukanovic. Kreu i shtetit malazez qe shprehur edhe më herët se mendon që opsioni më realist është që të formohet një qeveri e pakicës, duke shtuar se një qeveri teknike do të ishte mundësia e fundit – vetëm nëse dështojnë të gjitha përpjekjet për të zgjidhur krizën politike nëpër të cilën po kalon shteti. Gjukanovic e cikësoi eksperiment Qeverinë e ish-kryeministrit, Zdravko Krivokapic, që u shkarkua nga Kuvendi në fillim të shkurtit. Rrëzimin e qeverisë së rivokapic e nxiti pikërisht koalicioni i Abazovicit, "E Zeza mbi të Bardhë”, që përbëhet nga URA dhe Lidhja e Qytetarëve CIVIS, i cili i kërkoi parlamentit të votonte mosbesimin ndaj kabinetit të mëparshëm, duke e justifikuar me faktin se Mali i ZI është prej kohësh në krizë politike, se janë bllokuar integrimet evropiane dhe zgjedhja e funksionarëve kryesorë të drejtësisë.