Kancelari gjerman Olaf Scholz dhe presidenti francez, Emmanuel Macron, telefonuan shefin e Kremlinit Vladimir Putin duke i kërkuar hapur vendosjen e menjehershme të armëpushimit në Ukrainë. Zëdhënësi i kancelarit gjerman, Steffen Hebestreit pohoi se po bëhen përpjekje të jashtëzakonshme diplomatike për t`i dhënë fund luftës. në 75 minuta telefonatë, dy lideret kanë insistuar që të flasë logjika, e cila të cojë drejt një zgjidhjeje diplomatike të kësaj krize. Gjatë bisedës telefonike, Putin ka informuar Macronin dhe Scholzin me versionin e tij të situatës dhe raportet mes Rusisë dhe Ukrainës. Thirrjeve për fundin e luftimeve iu bashkua me Papa Francesk. “Ndaluni në emer të Zotit, jo luftë. Mendoni për fëmijët, mendoni për ata të cilëve poi u hiqni shpresën e një jete me dinjitet: fëmijë të vrarë, të plagosur, jetime”, thuhej ne një mesazh të kreut të Kishës Katolike në Tëitter. Zërave kundër luftës i është bashkuar dhe biznesmeni më i pasur rus Vladimir Potanin. Ai i kërkoi autoriteteve ruse të mos lejojnë që shteti i tyre të kthehet në kohën e Revolucionit të Tetorit të vitit 1917. Potanin, pronar i kompanisë Norilsk Nickel (NILSY), i bëri këto komente pasi u bë e ditur se ekziston mundësia që Rusia të konfiskojë prona të kompanive që janë tërhequr nga ky vend, si rezultat i agresionit rus në Ukrainë. “Mos na ktheni 100 vjet pas”, është shprehur ai, duke theksuar se pasojat e një lëvizje të tillë do të kërcënonin besimin e investitorëve nga e gjithë bota e kjo do të zgjaste me dekada të tëra.