Një 76-vjeçar që besohet të jetë kryetari i familjes më të madhe në botë, ndërroi jete në rajonin Mizoram të Indisë. Ziona Chana, kreu i një sekti fetar që praktikonte poligaminë, vdiq duke lënë pas 38 gra, 89 fëmijë dhe 36 nipër e mbesa. Lajmi u konfirmua nga kryeministri i Mizoramit, Zoramthanga, i cili ofroi ngushëllimet e tij në Twitter "me zemër të thyer" për humbjen e Chanas, që thuhet se vuante nga diabeti dhe hipertensioni. Është e vështirë të thuhet me bindje të plotë se aim ban titullin e kryefamiljarit numër një në botë për nga përmasat e familjes së tij, pasi ka edhe të tjerër që e pretendojnë këtë titull. Nuk është e lehtë po kështu të vlerësohet saktësisht madhësia e familjes së tij, që sipas një raporti shkon në 181 persona. Media të ndryshme lokale pretendojnë se burri mbante "rekordin botëror" për një familje kaq të madhe, edhe pse është e paqartë nëse ky një rekord i tillë është i vërteë. të zyrtarizuar apo jo, fakti është se Chana dhe familja e tij u kthyen në një sensacion, duke tërhequr turistë të shumtë në fshatin e vogël në veri-lindje të Indisë ku jetonin.