Ka shkuar në 1000 numri i viktimave në afganistan pas një tëmeti më magnitude 5.9 gioditi vendin në orët e para të ditës së sotme. Pamjet tregojnë rrëshqitjet e dheut dhe shtëpitë e rrënuara të ndërtuara nga balta në provincën lindore të Paktikas, ku ekipet e shpëtimit po përpiqen të trajtojnë të plagosurit. Udhëheqësi i talebanëve Hibatullah Akhundzada tha se qindra shtëpi janë shkatërruar dhe numri i të vdekurve ka të ngjarë të rritet edhe më shumë në orët në vijim. Zëvendësministri i tij për menaxhimin e fatkeqësive, Sharafuddin Muslim tha në një konferencë për shtyp se të paktën 1500 të tjerë u plagosën, duke e bërë këtë tërmetin më vdekjeprurës në Afganistan në dy dekada. "Në cilën do rrugë që shkoni, do dëgjoni njerëz që vajtojnë vdekjen e të dashurve të tyre. Shtëpitë janë të rrënuara," tha një gazetar lokal në provincën Paktika të goditur keq për BBC. Tërmetet priren të shkaktojnë dëme të konsiderueshme në Afganistan, ku banesat në shumë zona rurale janë të paqëndrueshme ose të ndërtuara keq. Komunikimi pas tërmetit është i vështirë për shkak të dëmtimit të kullave të telefonisë celulare . Dekada konflikti e kanë bërë të vështirë për vendin e varfër të përmirësojë mbrojtjen e tij kundër tërmeteve dhe fatkeqësive të tjera natyrore. Edhe para marrjes së pushtetit nga Talibanët, shërbimet e urgjencës të Afganistanit nuk kishin mjaftueshëm kapacitet për t'u marrë me fatkeqësitë natyrore . Pamjet: AFP