Mulliri rreth 200 vjeçar i fshatit Dragostunjë në Librazhd më në fund do të rikonstruktohet për të bërë të mundur ruajtjen e mëtejshme të tij dhe përçimin e vlerave të trashëgimisë tonë. Për breza e breza me radhe ky mulli është punuar nga të moshuarit e fshatit të cilët shpjegojnë rëndësinë e tij në krahasim me mullinjtë elektrikë. Rikonstruksioni i këtij mulliri ishte lënë amanet nga hoxha i fshatit i cili para se të ndërronte jetë i la të birit edhe paratë për të bërë të mundur ruajtjen e këtyre vlerave. Në hyrje të parkut Kombëtar Shebenik Jabllanicë, ky mulli pritet të shërbejë edhe si një atraksion i vogël turistik.