Lindje Perëndim:U zbulua që në fund të shtatorit, përse heshtën zyrtarët britanikë për virusin e ri?

Shumë shpejt pasi ministri britanik i shëndetësisë, Matt Hanckok njoftoi se një formë e re dhe shumë më infektuese e koronavirusit po qarkullonte në Anglinë Jugore, shqetësimi u kthye sërish në panik. Nuk mjaftoi ankthi I këtyre muajve, e tani pikërisht në kohën e festave të fundvitit kur të gjithë prisnin me padurim një grimcë normaliteti, në dejet e njerëzve injektohet një frikë e re. Mutacioni I ri quhet VUI-202012/01 –I pari “Variant nën Hetim” në Mbretërinë e Bashkuar, dhjetor 2020. E ndërsa shkëncëtarët janë lëshuar në gjuetinë e informacioneve mbi këtë formë të ri të virusit, impakti I tij po ndihet tashmë, me dhjetëra vende që të alarmuara, nxituan të vendosnin kufizime të udhëtimit me Britaninë e Madhe. Se fundi u mesua se për herë të parë, VUI-202012/01 u diktua në kampionin e një pacienti në Kent në 20 shtator, dhe pavarësisht një shpërthimi të infektimeve në tetor, Instituti vendas I Shëndetit Publik, sipas mediave atje, nuk e lajmëroi qeverinë e as shkencëtarët për ekzistencën e këtij shtami deri ne muajin dhjetor.