Stuhia Ciara u përplas furishëm mbi Europë atëherë kur u mendua se më e keqja e dimrit, kishte kaluar. Ciara, apo Sabine sic e pagëzuan në vendet gjermanike, mori jetë njerëzish, e zhyti transportin në kaos e la komunitete të tëra pa energji elektrike. Një stuhi në sezonin e ftohtë nuk është e pazakontë. Por Ciara, me shtrirjen e madhe, tërhoqi vëmendjen e ekspertëve, si një ciklon me erëra si shkulme e një egërsi të pashoqe. Europa po përballet prej disa kohësh me përmbytje nga njëra anë, e valë rekord të nxehti dhe thatësira zhuritëse nga ana tjetër. Ekspertë e aktivistë mendojnë se ka një lidhje mes ashpërsimit të fenomeve atmosferike dhe ngrohjes globale. Një seri hartash të krijuara së fundi, tregojnë me detaje se cfarë katastrofe klimatike e pret kontinentin e vjetër nëse nuk kalohet në veprim. Dhe se cili është rreziku më I madh që i kanoset Ballkanit!