Lindje Perendim: “Top-destinacioni i verës”, strategjia që përdori Greqia për të rihapur turizmin!

Një muaj më parë, Greqia raportonte e pafuqishme një rritje eksponenciale të rasteve të reja me koronavirus. Shifrat ishin alarmuese: Infektimet ditore arritën më shumë se dyfishin, nga 1,724 në 4,340, me Atikën epiqendër kryesore të makthit i cili bëri të davariteshin të gjithë arritjet e shënuara nga vendi fqinj gjatë valës së parë të sëmundjes, kur Greqia u lavdërua gjerësisht për frenimin efikas të koronavirusit, cka rezultoi në një numër më të ulët vdekjesh e infektimesh se në pjesë të tjera të Europës. Suksesi i asaj periudhe, nuk u reflektua dot edhe në valën e re të pandemisë, që e vendosi nën një trysni të jashtëzakonshme sistemin shëndetësor, me shtim jetësh të humbura, infektimesh e intubimesh. Së fundi, u kalua dhe një tjetër prag: Greqia kapërceu kufirin e 10 mijë vdekjeve nga Covid 19, e spitalet janë plot. Por pavarësisht kësaj panorame të zymtë, autoritetet vendase po përgatiten të rihapin vendin për turistët në mesin e muajin maj. Cili është sekreti i tyre? Çfarë strategjie kanë ndjekur greket ndryshe nga të tjerët?