Mes tensioneve të shtuara në Mesdhe për të drejtat e burimeve natyrore, Greqia dhe Italia nënshkruan këto ditë, në dukje pa shumë bujë një marrëveshje që përcakton kufijtë e tyre detare. Një ujdi, që sipas fjalëve të vetë kryeministrit grek Kyriakos Mitsotakis, zgjidhi një cështje e cila ishte në pritje për 40 vjet. “Kjo e sotmja është një ditë e mirë për Greqinë, Italinë, Europën dhe tërë Mesdheun. Marrëveshja mbështetet në ligjin ndërkombëtar dhe Konventën e Kombeve të Bashkuara për Ligjin e Detit”, tha shefi i ekzekutivit grek. Shtatë muaj më parë, Turqia pat farkëtuar dicka të ngjashme: një marrëveshje me qeverinë libjane të njohur ndërkombëtarisht që lidhej me anën jugore të Mesdheut. Ai moment qe përshkruar si një lëvizje “ shah mat” e Turqisë, si një iniciativë ligjore dhe ekonomike që ndryshonte gjeopolitikën e energjisë në rajon. Rexhep Tajip Erdogan nuk I mbajti të fshehta qëllimet e tij.