Masat e rrepta kundër koronavirusit kanë prekur sot, në një mënyrë apo një tjetër, gati 3 miliardë e gjysëm njerëz në mbarë botën. Që do të thotë, thuajse gjysma e planetit. Pandemia e COVID 19 i ka ndryshuar rrënjësisht jetët tona. Rrrugët e qyteteve nuk gjallojnë më, udhëtimi është ndaluar, industritë, në pjesën dërrmuese po ashtu. Mbi njerëzit, pasojat e momentit janë të mëdha sidomos në aspektin psikologjik. Por cfarë do të thotë kjo për Tokën? Cfarë efekti do të ketë koronavirusi mbi ndryshimet klimatike kundër të cilave akvitistët ngrenë zërin prej vitesh?