Brenda më pak se një muaji, mbi 5,000 amerikanë iu bashkuan një aktpadie në Florida përmës te cilës kërkoheshin dëmshpërblime nga qeveria kineze për dëmet e COVID-19. Paditësit pretendojnë se kanë pësuar humbje të mëdha nga neglizhenca e Pekinit për frenimin e virusit. Nisma të ngjashme janë marrë dhe në Teksas e Nevada. Amerikanët nuk janë të vetmit që e mendojnë kështu. Që në fund të marsit, ligjvënësi Australian George Christensen kërkoi që Kina të paguajë dëmshpërblim për situatën e krijuar nëpër botë. Dhjetëra mijëra vetë kanë ndërruar jetë prej Covid 19 anekënd globit dhe Christensen kërkon për këtë një fajtor. Jo vetëm kaq, por ai këmbënguli edhe për një hetim mbi rrethanat e shpërthimit fillestar të sëmundjes, duke iu referuar sidomos raporteve se koronavirusi mund të ketë dalë nga një laborator i Wuhanit. Shumë po e artikulojnë në fakt hapur tashmë pyetjen: A duhet të paguajë Kina për dëmin e bërë?