Marrja e pensionit është kthyer në tmerr për pensionistët shqiptarë, teksa duhet të presin në radhë të gjata në pikun e vapës. Emisioni Fiks Fare solli rastin e disa të moshuarve të qytetit të Tiranës, ku ankohen për radhën që bëhet në Zyrën Postare nr.28 në Kombinat kur tërheqin pensionet. Përtveç radhës shpesh gjenden edhe para faktit që lekët mbarojnë. Po si është dita e tyre çdo fillim muaji? Të moshuarit shprehen se ngrihen në orët e para të mëngjesit për të marrë numrin e radhës. Në bazë të këtij numri hyjnë në postë e tërheqin pensionin. Por nuk mungojnë dhe rastet që disa prej tyre dalin të zënë radhën edhe para orës 05:00. Por çudia me këta pensionistë ndodh se dhe kur mbajnë radhën që në orët e para të mëngjesit nuk arrijnë dot të tërheqin pensionin, pasi mbarojnë paratë në postë.