Pas shtimit të testimeve gjatë 24 orëve të fundit , ku janë kryer mbi 580 testime si rrjedhojë ka një rritje të numrit të të prekurve. Janë 117 raste gjatë 24 orëve të fundit. Nga ana tjetër kemi një përkeqësim të situatës këtu në shërbimin infektiv. Nëse të dielën kishim 72 pacientë të cilët kishin nevojë për trajtim mjekësor në infektiv, gjatë 24 orëve të fundit ky numër është shtuar gjithashtu në 85 pacientë, ku 10 janë në terapi intensive ndërsa 4 në intubim. Ambulancat e shpeshta që mbërrijnë në infektiv orë pas ore, janë alarmi që tregon se numri i të shtruarve po e kalon numrin e shtretërve në infektiv, dhe sipas parashikimeve Ministria e Shëndetësisë po përgatitet që të rikthejë ‘ish sanatoriumin’ si spital Covid-2, dhe pacientët e shtruar aty të transferohen te ish- kirurgjia. Ndërsa shqetësuese është edhe shifra e humbjeve të jetës.