Një tjetër vatër zjarri është konstatuar sërish në rrethinat e Fierit. Zjarri ka rënë në pyllin me pisha, në fshatin Peshtan. Flakët kanë nisur nga pjesa e mbjelle me ullishte dhe me pas jane përhapur ne pyllin me pisha. Sipas të dhënave të marrë në vendngjarje flaket kane perfshire kodrat e Likovunit, aty ku jane vendosur antenat televizive dhe të telefonise celulare. Këto të fundit jane larg zones së përfshirë nga zjarri. Zjarrfikësit e Fierit kanë shkuar në vendngjarje, por ndërhyrje me mjete është e pamundur për shkak të terrenit të thyer. Ndërkohë edhe era që fryn vështirëson më shumë shuarjen e zjarrit. Një ditë më parë po në fier u konstatuan dy vatra të tjera zjarri, një në Kodrat e Ardenicës në kufi me Lushnjen dhe vatra tjetër në fshatin Topojë. Nga zjarri në koddrat e ardenicës u shkaktuan dëme të konsiderushme në sipërfaqe me ullishte dhe pemëtari. Vatra u vu nën kontroll pas ndërhyrjes së fiorcave të shërbimit zjarrfikës. Ndërsa në fshatin Topojë djegja e mbeturinave të të korrave u përhap në sipërfaqen e tokave buqësore dhe në ullishte duke shkaktuar gjithashtu shumë deme. Zjarri u përhap në një sipërfaqe të konsiderueshme për shkak të erës dhe ndërhyrja ishte e vështirë, por vatra u lokalizua gjatë mbrëmjes. Si autor të kësaj zjarrvënieje policia arrestoi më pas Bani Mishtakun nga Fieri i cili akuzohet për shkatërrim të pronës me zjarr.