Shqiptarët u pasuruan me 1100 euro për frymë më shumë përgjatë vitit 2025, sipas të dhënave për të ardhurat që ka konfirmuar agjencia europiane e statistikave, Eurostat. Por, shtrenjtimi i çmimeve i bëri ata më të varfër. Sipas të dhënave, që Eurostat i ka përditësuar për Shqipërinë për vitin 2025 dhe të analizuara nga revista Monitor, të ardhurat mesatare të disponueshme për frymë ishin 6,731 euro, ose gati 1100 euro më shumë se një vit më parë, me një rritje prej gati 20 për qind nga viti në vit. Por, në vitin 2025 të ardhurat e disponueshme në Shqipëri ishin sa 26 për qind e mesatares së BE-së në euro dhe sa 37.5 për qind e saj pasi merren parasysh çmimet. Në këtë matje, Shqipëria renditej e fundit ndër vendet europiane me të dhëna.