Zjarrfikësit janë përballur të shtunën me flakët në një institut të rëndësishëm rus aerospacial. Zjarri u regjistrua në institutin qendror Aerodinamik në Zhukovsky, i përfshirë në kërkimet për avionë ushtarakë rusë. Ferri që mund të shihej në video të publikuara online, është më i fundit në një pikë strategjike në rusi gjatë luftës me ukrainën, me dyshime të shumta se mund të bëhet fjalë për akte sabotazhi. Zjarri nisi në nënstacionin energjetik që furnizon institutin, rreth 70 km në juglindje të Moskës, që ka qenë shumë i rëndësishëm në prodhimin e avionëve ushtarakë si Su-27, MiG-29 dhe MiG-31 si edhe të shumë raketave. Instituti po ashtu është përfshirë edhe në prodhimin e avionëve të tjerë Tu-204 dhe Ilushin 96-300. Nuk pati ndërkohë raporte për viktima apo të lënduar. Ai u bë institucioni i parë shkencor në Rusi që kombinoi studimet bazë, kërkimet e bëra, dizajnin strukturor, në prodhimin dhe testimin e avionëve. Javëve të fundit ka patur një seri zjarresh përfshirë një të martën në impiantin kimik të Novosibirskut.