Prej rreth 2 javësh 2 shtetase ruse rezultojnë të zhdukura në Qipro, çka ka ngritur dyshime të arsyeshme nga autoritetet vendase për një vrasje të dyfishtë. Alraeesi Khaiat, 43 vjeçe dhe Maria Gazibagandova, 33 vjeçe janë raportuar si të zhdukura që me 17 nëntor. Njëra prej tyre mbërriti në Qipro në fillim të verës dhe tjetra rreth një muaj e gjysmë më parë. Forca të shumta policie kanë kryer kontrolle në zonën midis Amiantos dhe Kardama, duke dyshuar se ky mund të jetë një krim i dyfishtë. Lidhur me ngjarjen, policia ka vënë në pranga në fshehtësi ekstreme një person. Autori i dyshuar është një 32-vjeçar me identitet qipriot, banues në provincën e Limasolit.