Një shtetas shqiptar i vënë në pranga autoritetet greke tentoi të arratisej teksa po dërgohej në gjykatë për t’u njohur me masën e sigurisë. Mediat greke shkruajnë se tentative e tij nuk ka zgjatur shumë, pasi policia iu vu në ndjekje dhe e prangosi sërish për ta çuar më pas para drejtësisë. Autoritetet greke nisën hetimet ndaj shqiptarit për veprat penale të posedimit, fshehjes, trafikut të drogës dhe tentativës për arratisje. Duke iu referuar mediave greke, shqiptari që tentoi arratisjen, kishte fshehur lëndën narkotike të kokainës në trungun e një ulliri. Shtetasit shqiptar iu gjetën nga policia greke 170 doza kokainë, disa prej të cilave të fshehura në një pemë ulliri dhe disa gramë të tjera në shtëpinë e tij. Gjithashtu në banesën e 35-vjeçarit shqiptar u gjet dhe një sasi e vogël heroine.