Policia e Lezhës organizoi me sukses operacion policor, “Vela” në fund të së cilit u arrestuan 3 persona, të cilët dyshohet se kishin kultivuar disa parcela me kanabis në zonat e pyllëzuara të fshatit Velë. Sipas njoftimit të policisë në pranga ranë shtetasit Gjok Marku, Alban Lleshaj dhe Alfred Doda. Tre të akuzuarit u ndaluan nga policia në momentin që po udhëtonin me mjetin e tyre në drejtim të zonës ku kishin mbjellë kanabisin. Gjatë kontrollit në automjet, 3 personave iu gjetën materiale që përdoreshin për të kultivuar bimët narkotike. Nga veprimet hetimore ka rezultuar se këta tre shtetas, në bashkëpunim me njëri-tjetrin, gjatë disa muajve, kanë kultivuar në zona të pyllëzuara të fshatit Velë, Lezhë, rreth 150 bimë të dyshuara narkotike kanabis, të cilat u asgjësuan me anë të djegies.