Zamira Durda, nëna e shtatë vjeçarit që humbi jetën pas shpërthimeve masive të Gërdecit në vitin 2008, e ftuar në emisionin “Breaking” në Top Neës, i ka cilësuar këto hetime ‘një pikë të vogël në oqeanin e Gërdecit’, duke vënë në dukje edhe përpjekjen e saj 13 vjecare për të gjetur Drejtësi, dhe për të cilën ka shkuar deri në Strasburg. “Njoftimin e mora nga media. Është një pikë e vogël në oqeanin e Gërdecit, nuk është ndonjë entuziazëm i madh. Të shohim a do të rihapet hetimi nga SPAK. Jam zhgënjyer në të gjitha shkallët e gjyqësorit. Akuza për Mediun u mbyll në gjykatën e Lartë për shkak të imunitetit, prandaj kërkuam rihapjen e dosjes. Kërkojmë që dosja të rihapët në tërësi. Do vazhdoj të këmbëngul për drejtësi. Ti marrësh jetën një fëmije, nga predhat dhe municioni. Jam betuar para arkivolit të tim biri se do bëj drejtësi. Por, Durda nuk është e vetme në këtë përballje për të gjetur drejtësinë. Përfaqësuesi i saj ligjor dhe familjarëve të tjerë të viktimave të Gërdecit është Dorian Matlija, që përmes një lidhjeve skype me emisionin breaking në top neës tha se deri më tani mbrojtja ka ardhur më shumë për shkak të imunitetit të të akuzuarve.