Ministrja e Jashtme Olta Xhaçka është paraqitur për herë të dytë brenda një muaji në SPAK, ku është marrë në pyetje në lidhje me çështjen e abuzimit me pronat e ushtrisë në kohën që drejtonte Ministrinë e Mbrojtjes. Xhaçka ka qëndruar për rreth 90 minuta në SPAK, ndërsa në dalje nuk dha asnjë koment për mediat. Në lidhje me privatizimin, dhënien me qira, apo me koncesion të pronave të ushtrisë në bregdet, dosja në SPAK është çuar nga ish-zëvendës komandanti i Flotës Detare, Artur Meçollari. Por, për Xhaçkën ka edhe një tjetër padi të dorëzuar nga deputetët e PD për përdorimin e helikopterëve të ushtrisë gjatë fushatës elektorale.