Zhvillimet në veri të kosovës kanë ndezur sirenat e alarmit. Ashtu sic kishte paralajmëruar një ditë më parë, Lista serbe tërhoqi përfaqësuesit nga institucionet e prishtinës ndërkohë që në Beograd, sic raportojnë mediat serbe, presidenti Aleksander Vucic, i mbërthyer në një fundjavë të ethshme, ka takuar përfaqësuesit e aleatëve më të rëndësishëm të vendit, ata të Moskës dhe Pekinit. Në takimin me ambasadorin rus Aleksandar Bocan Harchenko, vucic ka folur në mënyrë specifike për situatën në Kosovë duke shprehur shqetësim dhe duke akuzuar Prishtinën për lëvizje të njëanshme, dhe mosrespektim të marrëveshjes së Brukselit. Sipas mediave serbe, gjatë këtij takimi Vuçiç ka shprehur shqetësimin e tij për situatën në Kosovë të shkaktuar, siç thotë ai, nga “lëvizjet e njëanshme të Prishtinës, si dhe mosrespektimin e Marrëveshjes së Brukselit”.“Vuçiç e njoftoi ambasadorin Harçenko për situatën e sigurisë në Kosovë dhe presionet me të cilat ballafaqohen serbët dhe Serbia dhe përsëriti mirënjohjen për qëndrimin parimor të Rusisë dhe mbështetjen për sovranitetin dhe integritetin territorial të vendit tonë”, thuhet në njoftimin e presidencës serbe.Mësohet se ambasadorit rus Vuçiç i ka përsëritur frazën e tij se “Serbia vazhdon të udhëheqë një politikë të përgjegjshme paqeje dhe stabiliteti dhe mbetet e përkushtuar në respektimin e ligjit ndërkombëtar dhe zbatimin e plotë të marrëveshjeve të arritura deri më tani”. Një tjetër takim ndërkohë ka patur vucic edhe me ambasadoren kineze si edhe me përfaqësuesit e kishës ortodokse serbe. Në takimin me këta të fundit, sipas mediave serbe, është deklaruar angahzimi i kishës për të mbrojtur interesat kombëtare të serbisë.