Presidenti i Serbisë, Aleksandar Vuçiç tha se vendi i tij po zhvillon bisedime me një vend, që, siç tha, e ka përfunduar vaksinën kundër sëmundjes që e shkakton koronavirusi, COVID-19, dhe që “ua jep atë popullatave të rrezikuara”. “Shpresojmë se para fundit të vitit mund ta kemi atë vaksinë. Do të ishte shpëtim për Serbinë dhe ekonominë tonë”, tha Vuçiç, transmeton Shërbimi i Ballkanit i Radios Evropa e Lirë. Vuçiç nuk tha se për cilin vend bëhet fjalë. “Së shpejti do ta nënshkruajmë protokollin për bashkëpunim, por nuk mund t’ju them se cili vend është”, tha Vuçiq, duke iu përgjigjur gazetarëve në Beograd.