Axhenda e samitit ka qenë disi e paqartë, për shkak se sic mësohet, kryeministri edi Rama nuk ka dashur të ketë ndonjë përplasje me protestën e paralajmëruar nga ish kryeministri Sali Berisha, në orën 16.00 të së hënës. Protesta e paralajmëruar nga ky i fundit, do të nisë para selisë së partisë demokratike për të vijuar drejt kryeministrisë. Por duket se ajo nuk do të krijojë asnjë pengesë për Open Ballkan, pasi është raportuar më herët se gjatë të hënës, tre liderët e Open Balkan do të jenë fillimisht në një darkë në qytetin e Elbasanit, ku pritet të jetë i pranishëm përfaqësuesi i Këshillit Atlantik Jim O’Brien si dhe Alex Soros, drejtuesi i fondacionit "Shoqëri e Hapur". Ndërkaq, takimet zyrtare do të mbahen të martën, nga ora 9 në Pallatin e Brigadace, ku tre liderët do të kenë në një lidhje video edhe Komisionerin për Zgjerim i Bashkimit Evropian, Oliver Varhelyi.