Një nga komandantët e paratrupave të Putinit është vrarë në vijën e frontit në Ukrainë, ndërsa luftëtarët elitë të Rusisë po përballen me shpartallimin në fushëbetejë. Vdekja e kolonelit Sergei Sukharev, të regjimentit të parashuristëve të sulmit 331, nga Kostroma, u konfirmua nga televizioni shtetëror në Moskë. Më herët, eleminimi i tij ishte marrë përsipër nga qendra ukrainase për komunikimet strategjike dhe sigurinë e informacionit.Zëvendësi i tij, majori Sergei Krylov, u vra bashkë me të – thotë raporti. Ata ishin mes një numri trupash të vrarë nga regjimenti i famshëm Kostroma, që konsiderohet një nga forcat elitare luftarake të Rusisë. Vetë Moska ka pranuar se Sergei Lebedev, Aleksander Limonov dhe Juri degtyaryov, janë vrarë. Koloneli Sukharev ndërkohë u pa në një televizion rus në janar kur ai udhëhoqi tërheqjen e trupave nga Kazakistani ku ata u dërguan pas një vale protestash. Rusia e quajti misionin e tyre si paqeruajtës dhe Sukharev tha se forcat e tij kishin mbrojtur një impiant energjie në Almati. I vrarë po ahstu në luftimet më të fundit në Ukrainë ishte edhe oficeri i inteligjencës ushtarake Sergei Vishnyakov nga brigada e forcave speciale të GRU-së. Të gjitha këto zhvillime erdhën ndërsa ekspertët pretenduan se forcat ruse ishin shpartalluar në fushëbetejë, të goditur rëndë nga mbrojtësit ukrainas. Inteligjenca amerikane ndërkohë pretendon se ushtria ruse ka humbur rreth 30 mijë ushtarë që kur lufta nisi, përfshirë qindra paratrupa, të vrarë ose të kapur rob.