Top News – Vritet me armë zjarri 50-vjeçari/ Policia arrestohet një nga autorët, në kërkim tjetri

Një 50 vjecar ka mbetur i vrarë me armë zjarri në Dibër pas një sherri për pronën me dy vëllezër. Viktima është identifikuar si Xhetan Konesha, ndërsa policia bën me dije se ka arrestuar një prej autorëve të krimit, Muhamet Mera 30 vjeç. Ndërkohë është shpallur në kërkim vëllai i tij, Altin Mera, 42 vjeç. Sipas univormave blu ngjarja ka ndodhur në fshatin Luzni, ku dy vëllezërit u përfshinë në një konflikt të çastit me fqinjin e tyre. Situate degradoi pasi njëri nga vëllezëert ka qëlluar me automatik 50-vjeçarin, i cili si pasojë e plagëve të marra ka ndërruar jetë në spital. Policia arriti të arrestonte Muhamet Merën, ndërsa vëllai i tij, Altin Mera u arratis, duke u larguar në pyll. Ndërkohë grupi hetimor, nën drejtimin e Prokurorisë së Rrethit Gjyqësor Dibër po punon për zbardhjen e plotë të rrethanave dhe shkakut të ngjarjes.