Prokuroria e Posaçme ka kërkuar 292 vite burg në total për 15 të pandehurit e dosjes ‘Plumbi i Artë’, ku tre të penduarit e drejtësisë, Nuredin Dumani, Erion Alibej dhe Skerdi Tase kanë përfituar trajtim preferencial. SPAK lexoi para gjykatës në seancën e kësaj të enjte pretencën, ku kërkon dënimet me burg nga 9 deri në 35 vite burg për të akuzuarit. Grafik bashkëpunëtorët e drejtësisë Për tre bashkëpunëtorët e drejtësisë, Nuredin Dumani, Erion Alibej dhe Skerdi Tase u kërkuan përkatësisht nga 10, 15 dhe 13 vite burg. SPAK kërkon dënimin më të rëndë për Henrik Hoxhajn, me 35 vite burg, nga 25 kërkohet për Enver Divën, Besian Xhixhën, Petrit Qolin dhe Altin Ndocin, ky i fundit i arratisur në mënyrë spektakolare nga burgu i Durrësit në fillim të këtij viti. Me 20 vite kërkohet dënimi i Asllan Plakut, Agron Qolit, Fatos Gosës dhe Xhulian Hoxhës, 15 vite për Ardian Ozuni dhe Albert Pashaj dhe 9 vite për Gentian Sharrën.