Një shtetas amerikan, i cili banonte në Chernihiv, të Ukrainës, humbi jetën fatkeqësisht në mesin e bombardimeve ruse. Lajmi u bë me dije nga policia ukrainase, ku tha se amerikani, emri i të cilit nuk bëhet publik, u plagos nga ushtarët rusë në Chernihiv. Lajmi u konfirmua edhe nga Departamenti Amerikan i Shtetit, ku i shprehu ngushëllimet familjes së viktimës. Në një konferencë për mediat, Sekretari amerikan i Shtetit, Antony Blinken, I pyetur për viktimën tha se mund të konfirmonte se një shtetas amerikan ishte vrarë, por nuk kishte më shumë detaje. Një deklaratë e policisë ukrainase tha se vdekjet ishin rezultat i zjarrit të artilerisë ruse në qytet. Chernihiv, në verilindje të Kievit dhe afër kufirit rus, është bombarduar në mënyrë intensive nga forcat ruse që nga fillimi i luftës më shumë se tre javë më parë. Më herët të enjten, kreu rajonal Vyacheslav Chaus tha se më shumë se 50 trupa ishin sjellë në morgun e qytetit të mërkurën. Në mesin e të vrarëve ishin më shumë se 10 njerëz në radhë për të blerë bukë.