Gjykata e Lezhës ka dënuar me burgim të përjetshëm, Besnik Pjetrin, i cili në muajin gusht të vitit 2022 vrau ish-vjehrrin dhe ish-kunatin në fshatin Grykë Zezë të Lezhës. Besnik Pjetri u shpall fajtor për veprën penale të vrasjes dhe armëmbajtje pa leje. Pjerin Perjaku dhe Gent Perjaku, babë e bir mbetën të vrarë me armë zjarri mesnatën e 29 gushtit, tek banesa e tyre, për shkak të një konflikti familjar. Ish-dhëndri Besnik Pjetri i ka ndjekur lëvizjet e objektivave të tyre dhe sapo janë kthyer në banesë është afruar dhe ka qëlluar me breshëri plumbash ndaj dy viktimave, të cilët ishin kthyer nga Italia një ditë para ngjarjes.