Bordi i dhënies së lirisë me kusht në kaliforni, votoi për t’ia dhënë atë vrasësit të kandidatit demokrat presidencial, në 1968-ën, Robert F Kennedy. Sirhan Sirhan ka kryer 53 vite burg për vrasjen e pretendentit kryesor në zgjedhjet presidenciale, pas një fjalimi në një hotel në Los Angeles, që thuhet se ndryshoi kursin e historisë. Vendimi i bordit, që e konsideroi atë jo një kërcënim publik, nuk i garanton atij sidoqoftë, daljen në liri. Vendimi tani është në duart e guvernatorit të Kalifornisë, Gavin Neësom. Demokrati aktualisht është në mesin e një fushate elektorale. “Ka kaluar më shumë se gjysmë shekulli”, i kishte thënë Sirhan komisionit. “Ai i ri impulsiv nuk ekziston më prej shumë kohësh”. “Senatori Kennedi ishte shpresa e botës dhe unë lëndova dhe dëmtova të gjithë ata që shpresonin tek ai. Dhe më dhemb shumë që unë bëra dicka kaq të tmerrshme”, shtoi ai sipas Associated Press, agjencisë së vetme të lajmeve që ishte lejuar të merrte pjesë në seancën ku do të merrej vendimi. Zyra e prokurorit rajonal në LA, ka thënë se nuk do të kundërshtojë lirimin e tij. Tani 77 vjec, vrasësi i lindur në palestinë, e ka kërkuar faljen për të 16 –tën herë. Ai tha pas arrestimit të tij, se e kishte kryer sulmin për shkak të mbrojtjes që senatori i atëhershëm i jepte izraelit. Më pas, ai tha se nuk mbante mend asgjë nga sulmi. Vendimi i bordit erdhi pasi dy fëmijë të Kenedit, i kërkuan anëtarëve ta linin të lirë vrasësin e të atit.