Alternativa për Gjermaninë, që po njeh rritje në vend do të shkatërrojë BE-në nëse Alice Ëeidel, udhëheqësja e saj, zëvendëson Friedrich Merz që është jo popullor si kancelar. Ëeidel ka kërkuar që blloku të shndërrohet në një federatë të lirshme të "kombeve sovrane", ose përndryshe të përballet me një referendum "Dexit" në stilin e Brexit-it nëse ajo i rrëmben pushtetin CDU-së së qendrës së djathtë. "Ne do të donim të rindërtonim dhe reformonim Bashkimin Evropian", tha udhëheqësja e së djathtës ekstreme në parlamentin Evropian në Strasburg. "BE-ja nuk është më një grup shtetesh sovrane. Parlamentet dhe qeveritë kombëtare duhet të marrin përsipër procesin e vendimmarrjes." Reformat do të ishin aq gjithëpërfshirëse sa do të përbënin shkatërrimin e BE-së. Ato gjithashtu do të kundërshtoheshin fuqimisht nga udhëheqësit e qendrës së djathtë pro-BE-së që dominojnë bllokun. Burime nga BE-ja kanë hedhur poshtë tashmë ndryshimet radikale, të cilat përfshijnë zvogëlimin e Komisionit Evropian dhe kalimin e fuqive të tij vendimmarrëse te kryeministrat dhe presidentët në Këshillin Evropian.