Tre persona kanë përfunduar në pranga per grabitjen spektakolare të diamantëve në Gjermani vitin e kaluar, shënjestra e të cilës ishte një prej koleksioneve më të mëdha të thesareve ne Europë.Të dyshuarit akuzohen për vjedhjen e më shumë se një duzinë objektesh të zbukuara me diamantë në Drezden. Sundimtari i Saksonisë, Augusti i Fortë, e krijoi koleksionin në 1723 në atë që është sot njëri prej muzeve më të vjetër të botës. Në vazhdën e hetimit të zgjatur prej muajsh, policia bastisi edhe disa banesa në Berlin. Rreth 1.600 efektivë u përfshinë ne operacionin e shtrirë në disa lande. "Masat e marra fokusoheshen tek kërkimi I thesareve të vjedhura të artit dhe provave të mundshme, si veshje dhe mjete të përdorura nga grabitësit," thuhet në një deklaratë të saj. Tre të arrestuarit besohet të jenë pjesë e një rrjeti famëkeq me qendër në Berlin. Mes objekteve të grabitura ishte dhe një shpatë e mbushur me gurë të cmuar dhe një spaletë e zbukuruar me një diamant të bardhë 49 karatësh, të cilat në fakt, vjedhësit nuk I shisnin dot ne menyre te ligjshme në tregun e artit , sepse ishin objekte që njiheshin mirë nga të gjithë.