Shërbimet sekrete izraelite refuzuan të kryenin një operacion tokësor të ngjashëm me atë të ndërmarrë në Iran pak muaj më parë. Operacioni i planifikuar kishte si objektiv për të vrarë udhëheqësit e Hamasit në Doha. Por, Mossad refuzoi nga frika se operacioni do të shkatërronte bisedimet për armëpushim me pengjet dhe do të dëmtonte lidhjet e agjencisë me Katarin, një ndërmjetës kyç në Lindjen e Mesme. Kështu raporton gazeta amerikane, Washington Post. Në vend të Mossad, Izraeli u detyrua të kryente sulme ajrore, të cilat udhëheqësit e shërbimeve të sigurisë besojnë tashmë se ishte i pasuksesshëm dhe nuk vrau asnjë nga krerët e lartë të Hamasit. Ky vlerësim u forcua të premten, kur Hamasi njoftoi se udhëheqësi i tij me bazë në Katar, Khalil al-Hayya, kreu ritet mortore për djalin e tij, Hammam, duke rrëzuar thashethemet fillestare se kreu i grupit terrorist u vra në sulm. Ajo që ka arritur sulmi deri më tani është ashpërsimi i reagimit ndërkombëtar ndaj Izraelit dhe rreziku që misioni për lirimin e pengjeve të përfundojë në një tragjedi të madhe.