Rusia po përfundon punën për luftanijen e parë të saj që do të jetë në gjendje të evitojë pikasjen nga mjete armike. Trupi i anijes Mercury, i quajtur projekti 20386, është ndërtuar dhe korveta detare, pritet të zbresë në ujëra vitin e ardhshëm. Luftanija do të armatoset me raketa kruiz, raketa anti-avionë dhe artileri si edhe do të jetë në gjendje të gjurmojë dhe godasë nëndetëse. Mercury do të ketë një mburojë anti radar si edhe një dizajn minimalist në sipërfaqe që të evitojë pikasjen. Rusia ka përfshirë strategjinë që eviton radarët në disa prej anijeve të marinës së saj. Vladimir Putin ka investuar shumë tek marina në vitet e fundit edhe pse projektet e ministrisë së mbrojtjes janë goditur nga sanksionet perëndimore. Lidhjet politike me perëndimin janë në nivelin më të ulët të tyre që nga shpërbërja e bashkimit sovjetik në 1991.