Huaëei ka zbuluar versionin e ri të smartfonit të tij palosës, duke hequr dorë tërësisht nga dizajnet e mëparshme dhe duke u frymëzuar pak nga samsungu. Këtë radhë, ekrani me palosje i Mate X2 është i mbrojtur brenda telefonit. Shumë ekspertë, përfshirë ata të BBC, thonë se ai është telefoni më i mirë me palosje i dalë deri më tani në shitje, por, sidoqoftë, mbetet prapa për shkak të mungesës së shërbimeve të Google, cka edhe përbën një zhgënjim për konsumatorët britanikë. Edhe pse ka vëmendjen më të madhe, samsungu nuk është i vetmi që bën aktualisht telefona me palosje. Edhe Royole ka sjellë Flex pai dhe Huaëei sjell tani Mate X2. Ndërsa paraardhësi Mate X, kishte disa probleme të mëdha, Mate X2 duket se nuk ka të meta. Ai është shumë më rezistent dhe i fortë se telefonët e tjerë me palosje, por ka ende vend për përmirësim në ekran ndërkohë që mbetet për tu parë nëse Galaxy Z Fold 3, e samsung, që pritet të prezantohet në korrik, do të ketë më shumë për të ofruar se sa telefoni i palosshëm 3 mijë dollarësh i Huaëei që nuk ka Google Play Store