Një listë e re me emrat e 38 personave nga bota e politikës, gazetarisë etj, është publikuar këtë të hënë në greqi nga gazeta opozitare Documento, si viktima të skandalit të përgjimeve që ka tronditur vendin. Të 38 personat janë përgjuar me softëerin e ndaluar Predator dhe lajmi ka bërë që të ndizen sërish debatet politike në vend. Documento shkruan se në listën e re, e dyta pas asaj me 33 emra që u publikua javën e kaluar, janë dy ministrat e Shtetit, ndihmësat kryesorë të kryeministrit Mitsotakis, zv/ministri i jashtëm, bashkëpunëtorë të zyrës kryeministrore etj. Në të njëjtën kohë edhe gazeta ‘To Vima’ ka publikuar të dielën të dhëna se si është përgjuar ministri i Jashtëm grek Nikos Dhendias, fakt që sipas saj është i rëndësishëm për sigurinë kombëtare. Zkandali i përgjimeve po shkakton një tërmet politik në greqi, ndërkohë që për qeverinë e Micotaqisit, gjithcka është orkestruar nga opozita e Tsiprasit. Syriza në opozitë thotë se përgjimi i Ministrit të Jashtëm të vendit është një çështje shumë serioze që vë në rrezik sigurinë kombëtare dhe se kryeministri Mitsotakis është fajtor dhe i rrezikshëm për vendin. Qeveria në vazhdimësi ka mohuar të ketë përdorur softëerin në fjalë dhe vetë kryeministri duket se po përgatitet ti përgjigjet edhe valës së re të publikimeve.