1 viktimë dhe 12 raste të reja me COVID-19 janë regjistruar 24 orët e fundit në vendin tonë. Sipas të dhënave zyrtare të Ministrisë së Shëndetësisë ka humbur jetën një 61-vjeçar nga qyteti i Prrenjasit. Ndërkohë, pas 2.170 testimeve të kryera janë konfirmuar 12 raste të reja infeksioni, të cilat mbeten pothuajse të njëjta me ditët e mëparshme. Përkatësisht këto raste janë regjistruar në këto bashki: 5 raste në Tiranë, 3 raste në Berat, 1 rast në Shkodër, Vau Dejës, Elbasan, Sarandë. Nga 29 pacientë të shtruar që kishim një ditë më parë, ministria raporton 41 të shtuar, nga të cilët 7 pacientë janë në terapi intensive. Në 24 orët e fundit janë shëruar 93 qytetarë, duke e çuar numrin e të shëruarve në 129.308 që nga fillimi i epidemisë.