Franca dhe Gjermania nuk respektuan embargon e armëve që i ishte vënë rusisë dhe i shitën Putinit armatime që po përdoren tani në Ukrainë. Në atë që shtypi britanik po e quan një ditë turpi për Bashkimin Evropian, raportohet se 10 vende anëtare të bllokut i kanë shitur miliona euro armatime rusisë nga viti 2015 deri në 2020. Parisi i ka shitur Moskës bomba, raketa dhe lëndë shpërthyese si edhe kamera termale për 1 mijë tanke apo detektorë me rreze infra të kuqe për avionët. Berlini i ka shitur pushkë ndërsa Roma makina të blinduara. Shtetet e BE-së, përfshirë Britaninë që në atë kohë ishte anëtare e bllokut, e goditën rusinë me një embargo armësh në 2014-ën në lidhje me aneksimin e Krimesë. Por, një boshllëk në legjislacion i lejoi vendet dhe armët të plotësonin kontratat që kishin nënshkruar më herët me Rusinë. Dhe një hetim nga Investigate Europe tregon se 27 vendet anëtare të bllokut lëshuan më shumë se 1 mijë licensa pas ndalimit. Franca vijoi me dërgimin e armatimeve në kremlin me vlerë 150 milionë euro, gjermania shiti 120 milionë euro armatime dhe italia 22 milionë euro. Britania po ashtu i shiti armë rusisë pas vendosjes së embargos, por vlera ishte pak më e ulët, afro 2 milionë euro.