Në përvjetorin e 21-të të vrasjes së vëllezërve Agron, Mehmet dhe Yll Bytyci, familjarë të tyre thanë se presidenti i Serbisë, Aleksandar Vuçic, ka “prova dhe mundësi” për të zgjidhur rastin e tyre, porse “i mungon vullneti”.Tre vëllezërit, shtetas amerikanë, me prejardhje nga Kosova, u arrestuan në vitin 1999 në Serbi, për kalim të paligjshëm të kufirit, sic pretendojnë zyrtarët serbë. Ata u liruan nga burgu por mw pas u vranw. Trupat e tyre u gjetën në një varr masiv, pranë Petrovo Sellos në lindje të Serbisë, në vitin 2001. “Vuçic i ka premtuar prej më shumë se 6 vjetësh Shteteve të Bashkuara dhe familjes sonë se do ta zgjidhë këtë rast. Në mënyrë private, ai ka hequr dorë nga emri i Goran Radosavlevicit. Vllastimir Gjorgjevic është gjithashtu përgjegjës”, thuhet në deklaratën e vëllezërve të viktimave, Fatos dhe Ilir Bytyci. “Vuajtja e familjes sonë nuk është e vetmja Vucic injoron. Presidenti serb mbron shumë kriminelë të tjerë të luftës. Bota, përfshirë administratën e presidentit Trump, e di se kjo është e vërtetë. Ata thjesht qëndrojnë të ngrirë përpara këtyre fakteve”, thuhet më tej në deklaratë. Dy policë të akuzuar për ndihmë në ekzekutimin e vëllezërve Bytyci, Sreten Popoviq dhe Millosh Stojanovic, u shpallen të pafajshëm me vendim të Gjykatës së Lartë në Beograd për krime lufte. Një rezolutë e miratuar nga Dhoma e Përfaqësuesve e Shteteve të Bashkuara tetorin e vitit të kaluar, u referohet fakteve për përfshirje në vrasje edhe të ish-zëvendësministrit të Brendshëm serb, Vllastimir Gjorgjevic, si dhe të ish-komandantit të xhandarmërisë serbe, Goran Radosavlevic Guri. Ky I fundit është aktualisht anëtar i partisë ne pushtet ne Serbi.