Kryebashkiaku Erion Veliaj mirëpriti në zyrën e tij këngëtarin Gjon Muharremi, i njohur ndryshe me emrin e artit Gjon’s Tears, i cili përfaqësoi Zvicrën dhe mori vendin e tretë në skenën e madhe të Eurovisionit. Veliaj shprehu vlerësimin e tij ndaj artistit dhe i dhuroi “Kullën e Sahatit” në shenjë mirënjohjeje. Duke iu referuar karrierës së Gjonit, Veliaj tha se është shembulli më i mirë se me shumë punë mund të arrihet gjithçka. “Jam shumë krenar për ty edhe dua shumë që të jesh një shembull për djem e vajza të tjerë. Ti je shembulli që dikush duhet të punoj non-stop për ato 3 minuta në Eurovizion, 13 vjet për ato 3 minuta, kështu që të uroj shumë sukses. Shpresoj që do të kesh një kujtesë të kohës, ku ti punon dhe sakrifikon, por edhe të kilometrit zero ku i kemi rrënjët të gjithë. Kështu që ti ke gjysmën e rrënjëve të tua këtu në Tiranë, edhe mezi pres të vish e ta konsiderosh shtëpinë tënde”