Ushtarët e Forcës së Sigurisë së Kosovës bashkë me pjesëtarët e Policisë së Kosovës parakaluan në 17 vjetorin e shpalljes së Pavarësisë së Kosovës në sheshet e Prishtinës. Qytetarë të shumtë ishin mbledhur për të parë nga afër paradën ndërsa kryekomandantja supreme, Vjosa Osmani, theksoi se Kosova është këtu sot se luftoi dhe sakrifikoi. Osmani: Ne jemi këtu sepse qëndruam dhe rezistuam “Ne jemi këtu sepse qëndruam dhe rezistuam, ne jemi sot këtu sepse luftuam sepse sakrifikuam, sepse nuk u përkulëm kurrë para dhunës, para padrejtësisë edhe para mizorive. Ne jemi këtu sot sepse ia dolëm të ringritemi, ta ndërtojmë dhe ta forcojmë shtetin tonë. E fal ushtrisë dhe policisë që sot parakalojnë para qytetarëve të Kosovës arritëm ta mbrojmë edhe çdo pëllëmbë të shtetit tonë Osmani tha se në themelet e Kosovës qëndron një rrugëtim i gjatë i nisur me vizion nga presidenti Ibrahim Rugova. Ajo nderoi dhe kujtoi luftëtarët e Ushtrisë Çlirimtare të Kosovës dhe komandantin legjendar, Adem Jashari.