Ushtarët rusë të kapur rob në Ukrainë kanë paralajmëruar presidentin vladimir putin se do të ngrihen kundër tij pasi ata u dërguan të kryenin sulme terroriste në Ukrainë. Trupat e Moskës përmendën bombardimin e maternitetit në Mariupol më 9 mars si një akt pervers neonazizmi. Tre pilotë të forcave ajrore, duke folur për CNN, paralajmëruan të parin e rusisë se nuk do të mund të fshihet për shumë kohë pasi shumë prej ushtarëve rusë kanë të njëjtin mendim, shpejt apo vonë, ata do të kthehen në shtëpi e do ngrihen kundër tij. Ata ia hodhën fajin komandantëve rusë për krimet e tmerrshme kundër civilëve në ukrainë dhe paralajmëruan se gjëra të tilla nuk mund të falen. “Unë nuk e di se cfarë mund të justifikojë lotët e një fëmije, ose akoma më keq, vdekjen e njerëzve të pafajshëm, të fëmijëve”, thotë një nga pilotët rusë. “Kjo nuk ka të bëjë me demilitarizimin e Ukrainës apo mundjen e forcave të armatosura të Ukrainës. Tani qytete me civilë paqësorë po shkatërrohen!”Deklaratat e tyre janë në një linjë me ato të ushtarëve të tjerë rus pas kapjes nga ukrainasit dhe analistët kanë ngritur shqetësimet se robërit rusë mund të jenë nën presion për të denoncuar Moskën. Por, CNN raporton se të tre pilotët me të cilët bisedoi, nuk dukej se flisnin nën presion, nuk mbanin pranga në duar dhe se zyrtarët ukrainas nuk kishin ndërhyrë aspak në bisedë.