Ukraina tha se forcat e saj ushtarake, kanë larguar trupat ruse nga Ishulli i Gjarprit në Detin e Zi, pretendim ky që është mohuar nga Moska, e cila e quajti këtë veprim “tërheqje të forcave të saj si shenjë e vullnetit të mirë”, për të treguar se Rusia nuk është duke bllokuar përpjekjet për të eksportuar produktet bujqësore. “Nuk ka më ushtarë rusë në Ishullin e Gjarprit. Forcat tona të armatosura kanë bërë një punë të mrekullueshme”, tha Andriy Yermak, shef i zyrës së presidentit ukrainas, Volodymyr Zelensky. Ai publikoi një foto në Tëitter, ku shihet tym në disa pjesë të ishullit, që u mor nën kontroll nga rusia që në ditët e para të luftës në Ukrainë. Ministria ruse e Mbrojtjes ka konfirmuar se trupat e saj janë larguar nga ishulli, i cili u përdor për të pajisur forcat e saj me armë të ndryshme.