Autoritetet në Ukrainë kanë ngritur alarmin këtë të martë, pasi dyshohet se ushtria ruse po hedh gaz helmues. Institucionet nisën hetimet menjëherë pas pretendimit se ky gaz është përdorur në qytetin Marupolit. Ndërkohë teksa forcat ukrainase po përgatiten për tu mbrojtur nga sulmet, zëvendësministrja e Mbrojtjes, Hanna Maliar deklaroi se ka mundësi që në Mariupol të ishin përdorur municione, që përmbanin fosfor, të cilat shkaktojnë djegie të rënda. Vlen të theksohet se ky zhvillim vjen pas thirrjeve të zyrtarëve perëndimorë, të cilët njëzërazi thanë se përdorimi i armëve kimike nga Rusia do të ishte një përshkallëzim serioz i luftës.