Dy shqiptarë u arrestuan për spiunazh mbrëmjen e së dielës, pasi u kapën duke lëvizur brenda bazës detare Salamis. Kjo bazë ndodhet në pjesën verilindore të ishullit të Salamina, rreth 16 kilometra në perëndim të Athinës dhe është një ng ma më të reëndëishmet të marinës greke. Sipas mediave greke shqiptarët të moshës 67 dhe 63 vjeç, u pikasën nga personeli i marinës të cilët i ndaluan. Sipas burimeve të gazetës Ekathimerini, dy shqiptarët ishin dukshëm në gjendje të dehur. Oficerët i dërguan dy shqiptarët në departamentin e policisë së Salamina, ku dhe po mbahen. Akuzat me të cilat përballen janë spiunazh dhe shkelje të sigurisë të bazave fortifikuara. Baza detare e Salamis është më e madhja e marinës helenike. Pjesa më e madhe e anijeve greke ndodhen në këtë ishull, ashtu sikurse administrata e saj, shërbimet e trajnimit dhe suportit. Në këtë bazë janë të punësuar rreth 10 mijë personel detar e civile.