Dy agjentë të shërbimit sekret amerikan të angazhuar në udhëtimin e Joe Biden në Azi janë dëbuar e po kthehen në shtëpi pasi njëri prej tyre u akuzua për agresion ndaj një koreano jugori, në gjendje të dehur, një ditë para ardhjes së presidentit në Seul. Një zyrtar i policisë lokale tha për agjencinë e lajmeve Reuters se një nga agjentët ishte arrestuar në orët e para të së enjtes, pasi ishte përfshirë në një zënkë për një taksi. Një zyrtar amerikan mohoi që personi të ishte arrestuar, duke thënë vetëm se ai po hetohej nga zyrtarët koreano jugorë.