Shtëpia e Bardhë publikoi rezultatet e kontrollit mjekësor të Donald Trump, ku mjeku i tij personal deklaroi presidenti amerikan gëzon shëndet të shkëlqyer dhe është plotësisht i aftë për të kryer detyrat. Sipas raportit, Trump është 1.83 metra i gjatë dhe peshon 100 kilogramë. Mjeku i ka rekomanduar të humbasë peshë, të shtojë aktivitetin fizik dhe të ndjekë këshilla dietike. Raporti vëren gjithashtu se ai ka shënuar përmirësim në ënjtjen e këmbëve, një problem i lidhur me pamjaftueshmërinë kronike venoze. Ekzaminimet neurologjike treguan funksione normale mendore dhe fizike, ndërsa Trump mori rezultatin maksimal, 30 nga 30 pikë, në testin e vlerësimit kognitiv. Sipas mjekut, analiza e zemrës sugjeron se mosha kardiake e presidentit është rreth 14 vjet më e re se mosha e tij biologjike. Raporti konfirmon gjithashtu se Trump vazhdon të marrë aspirinë çdo ditë. Presidenti, i cili është personi më i moshuar që ka marrë detyrën presidenciale në SHBA, deklaroi pas kontrollit se gjithçka u kontrollua në mënyrë të përkryer.